Aprezentasaun Rezultadu Peskiza ne’ebe Realiza husi Fudasaun Hafoun Timor Lorosa’e (F-HTL)

 “Efetividade Servisu GMF no Funsionamentu Bee Rural iha Munisipiu Liquiça”

Aprezentasaun Rezultadu Peskija Partisipa husi: Sekretariu Estadu Floresta, Reprezentante Sekretariu estadu Dezenvolvementu Lokál, Resprezentante Sekretariu estadu Eletricidade, Agua e saneamentu, Diretur ezekutivu FONGTIL, Chief of Party USAID Activity, Diretór SMASA Munisipiu Liquiçá, Xefe Departamentu Saúde Ambientál, Asosiasaun GMF Munisipiu Liquiçá no Administrador Postu Adminitrativu Liquica Villa, Maubara inklui Bazartete; Nebe’e mak hala’o iha Salaun enkontru HAK iha Loron Terca-Feira 29/ Agostu/ 2023. 

Objectivu husi atividade ida ne’e maka;

1. Hametin koordenasaun no kooperasaun servisu entre F-HTL ho governu liu husi  ministériu ka instituisaun save sira.

2. Introdus preokupasaun komunidade nian ba governu atu bele tau matan no fo resposta tuir polítika Governasaun nian.

Iha diskursu Diretór Ezekutivu FONGTIL, Sr. Valentim da Costa Pinto “ kuaze tinan-tinan ami deskobre dezafiu sira ne’ebe afeita ba komunidade sira iha area rural liga ho Seitor Bee Moos & Saneamentu” nune’e Diretór FONGTIL ne’e Akresenta, hodi hatete katak “ Timor afeita mos konaba Mudanca Klimatika, atu bele asegura fontes Bee-Matan sira nebe’e iha; Husu atu Governu dasia tau asuntu ida ne’e Sai hanesan mos asuntu importante ida, tamba ita sempre hasoru bai-loron ne’ebe naruk hodi afeita ba fontes bee menus”.

Diretur Fontil hatutan tan katak ” ita presija halo ezersisiu ba Dekreitu-lei Nu. 4/2004 de fevreiru nebe’e mak kolia konaba Distribuisaun Bee ba Konsumu Publiku” Diretur Fontil hato’o asuntu ida ne’e atu bele iha revizaun ba Dekreitu-lei rasik ho nune’e bele iha efetividade ne’ebe adekuadu hodi bele refleta nesecidade komunidade nia rural.

Iha oportunidade hanesan, Sekretariadu Estadu Floresta, Sr. Fernandino Vieira da Costa hato’o nia intervensaun hodi hatete katak “ Liga ba Dekreitu-lei ne’e, hau hanoin ne’e presija halo renovasaun ba ida, hau sei ajenda no sei koalia asuntu ho Vice-PM” skretariadu Estadu hato’o Mensagem ida ne’e hafoin de akompanha tia rezultadu peskiza nebe’e mos partisipa husi Organizasaun Sosidade Sivil sira hanesan Parseiru dezenvolvimentu Nasional no Internasional iha salaun HAK.

 Aproveita oportunidade iha Seisaun Enseramentu ba Workshop ne’e, Reprentante Sekretariadu Estadu Eletricidade Agua no Sanementu; hatete katak “ Ami nafatin protu atu tur hamutuk hodi deskute konaba pontus importante nebe iha, Liu-liu hare konaba Problema sira Relasiona ho Sustentabilidade ba Bee-Moos & Grupu Maneja Fasilidade (GMF), esnsial husi ne’e mak konaba Operasaun & Manutensaun husi fasilidade publiku nebe’e estabelece ona”.

Partisipante ba atividade ida ne’e, Porvolta 56 Ital Pesoas, kompostu husi Feto, Mane no Ema ho Defisiensia.