Fundação Hafoun Timor-Loro Sa’e (F-HTL) Realiza atividade Planu Asaun Komunidade II

Husi FHTL Dia, Oktober 16, 2023

PLANU ASAUN KOMUNIDADE II (PAK II)

Community Action Plan II (CAP II)

Komunidade Nunheu, Aldeia Pisulete, Segunda-Feira loron 16 fulan Outubru ne’ebe partisipa direita husi Administradór Postu Bazartete, Servisu Munisipál Água Saneamentu no Ambiente (SMASA), akompaña husi Chefe do Suco Lauhata no Xefe Aldeia Pisulete, iha komunidade Nunheu.

Objetivu husi Enkontru Planu Asaun Komunidade Segundu ida ne’e hanesan faze daruak husi Identifikasaun Rekursu, Asesmentu tékniku no Prepara dezeñu hodi halo análiza Hydraulic, hafoin aprezenta hikas ba komunidade ne’ebe mak benefisia ba Sistema bee ne’e rasik.

Iha nia intervensaun Lider Komunitária ne’e hateten “Bee ne’e fatór ida ne’ebe mak labele ses husi ema nia moris, tanba ne’e ita tenke agradese tanba liu husi Esforsu lubuk ida ne’ebé mak F-HTL halo to’o ikus bele hetan apoiu fundus husi Ita nia Governu liu husi SASCAS atu bele dada bee ba Komunidade Uma kain 44 ne’e lideransa Komunitária ne’e mos koalia ho lian kroat ba komunidade no Xefe do Suku, Xefe Aldeia, hodi husi atu halo kontrola no halo akompañamentu durante konstrusaun hahú”.

Iha sorin seluk komunidade Nunheu sente kontente tanba ida ne’e hanesan mehi boot ida ne’ebe mak durante ne’e sira hein hela no fin to’o duni mai, hodi bele rezolve problema ne’ebe mak durante ne’e sira enfrenta liuliu asesu ba bee mos.

Diskusaun Grupu Feto Hodi identifika Risku bainhira Tempu udan no bailoro naruk

Durante diskusaun hodi halo planu Asaun Hamutuk, iha mós komunidade balun ne’ebe mak seidauk halo melloramentu ba sentina, tanba ne’e ekipa kontinua reforsa katak antes, Sistema ne’e remata komunidade iha uma kain hotu tenke iha ona asesu ba sentina ne’ebe mak melloradu tanba asesu ona ba bee.

Atividade ne’e fasilita direita husi Fasilitadór Postu Administrativu (FPA), ne’ebe fasilita iha prosesu tomak to’o forma Grupu Maneja Fasilidade (GMF) ho naran LORGOLOA.