Sorumutu Da Uluk Entre Sekretariadu Estadu Eletricidade,
Agua e Saneamentu, PN-BESI-TL Hamutuk ho nia Membru.
Plataforma Nasionál Bee,
Saneamentu no Ijiene Timor-Leste (PN-BESI-TL) Hamutuk ho nia membru (Fundação
Hafoun Timor-Loro sa’e/FHTL, GFFTL, Ass. HAK, RHTO) hodi koalia kona ba "Dezenvolvimentu setór BESI iha Timor-Leste ba atinjimentu Meta PEDN 2030".
Objetivu
husi sorumutu ida ne’e, hanesan oportunidade Ida hodi fahe informasaun no
progresu inklui deskobrementu sira relevánsia ho Dezenvolvimentu setór Bee,
Saneamentu no Ijiene ne’ebe durante ne’e PN-BESI-TL observa no hetan inklui entrega
relatóriu Auditoria Sosiál konabá fornesimentu Bee ba komunidade iha area rurál
iha 2021-2022 no Relatóriu Peskiza ne’ebe mak Fundação Hafoun Timor-Loro Sa’e
hala’o iha Munisipiu Liquiça no Ainaro.
 |
| Entrega Ralatoriu Peskiza ba Efetividade servisu GMF iha Munisipiu Liquica |
Husi ida
ne’e mos kada membru PN-BESI-TL atualiza informasaun sira ne’ebe mak akontese
iha baze ligadu ho observasaun sira ne’ebe mak durante ne’e implementa iha area
rural, hatán ba problema hirak ne’ebe mak akontese sai dezafiu ba garantia
sustentabilidade BESI iha area rurál liuliu ba estrutura Grupu Maneja Fasilidade
(GMF), no mudansa ba Lei no Dekretu Lei Nu.4/2004.
Iha tempu hanesan Diretór Gabinete Sekretáriu Estadu
Eletricidade, Agua e Saneamentu Sr.
Hermenegildo D. C. Oliveira, salienta katak “Ba renovasaun dekretu Lei Nu.4/2004
ne’ebé mak mensiona kona ba Abastesimentu Agua no saneamentu no dadaun ne’e forma
ona ekipa konjunta ida hodi responde ba situasaun atuál ne’ebe mak akontese”,
haktuir jurist husi S.E.E.A.S, Tersa- Feira, 5/9/2023 iha salaun Enkontru
Gabinete S.E.E.A.S, Caicoli-Dili.
0 Komentar